Cartes postales

Découvrez une carte postale historique tous les jours, du 17 décembre 2019 au 17 décembre 2020 ! Un projet réalisé par Eng Postkaart den Dag, collection privée de l'historien Claude Schmit.

17 décembre 2019

Wanterlech Vue op de Gronn.

Iwwert de Gronn, de Faubourg vun der Stad Lëtzebuerg kéint ee Bicher schreiwen – wat natierlech och gemaach gouf a gëtt.

Virun e puer Joerzéngten nach en äermleche Quartier, wou een net esou gären higaangen ass, ass et haut eng vun deene schéinsten a gemittlechste Plazen an der Stad. Virun allem d’Renovatiounen vu ville Gebaier Enn 80er an an den 90er Joren, d’Erëffnung vum Naturmusée an der Abtei Neimënster, Caféen a Restauranten an de Bau vun engem Lift vum Hl. Geeschtplateau erof an den Dall hunn dozou gefouert, dass haut am Gronn d’Liewe pulséiert wéi nach ni. An trotzdeem eng gewësse Rou ausstraalt.

Schonn am fréie Mëttelalter hu Mënschen an dësem Deel vun der Stad gelieft, nach iert de Sigfried um Bockfiels seng kleng Buerg gebaut huet.

Bis an d’14. Joerhonnert louch de Gronn nach « ante portas », d.h. virun den Dieren vun der Stad Lëtzebuerg a gouf dunn eréischt an d’Schutzmauer vun der Stad ënnert dem Wenzel II. mat erageholl.

E reliéisen Zentrum war de Gronn virun allem duerch den am Mëttelalter gegrënnten Hospice St. Jean, d’Benediktinerabtei Neimënster an d’Kierch St. Ulric.

Industriellen Zentrum war de Gronn doduerch, dass hei vill Fëscher, Fierwer Gierwer an aner Handwierker déi d’Waasser resp. d’Waasserkraaft vun der Uelzecht gebraucht hunn, sech hei néiergelooss hunn.

Ënnert anerem Händschefabriken aus dem Gronn wéi z.B. d’Handschuhfabrik Albert Reinhard & Cie an der Plaetisgaass waren eng bedeitend Wirtschaftsbranche vun der Stad Lëtzebuerg. En Deel dovun steet och nach haut an huet als Appartementshaus mat Bureauen iwwerlieft. E weideren Deel gouf ofgerappt an als Park amenagéiert.

Net ze vergiessen sinn natierlech déi zwee Prisongen, déi am alen Hospice St. Jean (Fraeprisong) an an der Abtei Neimënster (fir d’Männer) installéiert goufen a bis an d’1980er Joren bestanen hunn, bis de Prisong zu Schraasseg opgaangen ass. Méi en däischtert Kapitel also vun der interessanter Geschicht vum Gronn.

Et ass kloer, dass mir op dëser Plaz nëmmen e ganz klengen Ëmrëss vun der Geschicht vum Gronn maache kënnen, an hoffen dass mir heimat den Interessi fir d’Geschicht vun dësem dach schéine Quartier bei deem engen oder aneren ausléise konnten.

Fotograf: ; Editeur:

Datum: 1903, Opnam 1897.Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

18 décembre 2019

Panoramavue op de Pfaffenthal, mat der Sichepaart, der Sichegaass, der Église Saint-Mathieu, dem Béinchen, der Eecherpaart an der Uewerstad am Hannergrond.

No der Eruewerung vun de Fransousen am Joer 1684 huet de Militäringenieur Vauban de Pafendall mat an de Festungsberéng abezunn. Doduerch sinn dann och zwou Paarte gebaut ginn, engersäits d’Sichepaart an déi aner Säit d’Eecherpaart, déi ënnerteneen mat enger Mauer resp. enger Bréck iwwer d’Uelzecht, de Béinchen, verbonne waren. Virun dëser Mauer gouf et och e Gruef, dee während dem Schleefen vun der Festung an de Joren 1867-69 zougetippt ginn ass. Mëttlerweil ass en awer nees a sengem Originalzoustand.

Et ass och nogewisen, dass an dëser Géigend schonn am Mëttelalter eng Stadpuert bestanen huet, déi als Siecherludeporte an alen Dokumenter (vun 1444) ernimmt gëtt. Deemno war den Vauban seng Idee net nei, hien huet just déi mëttelalterlech Tierm duerch méi sécher a stabil Bauten ersat.

Den Numm vun der Sichepaart kënnt vun der Leproserie, déi virun de Stadmaueren bestanen huet, wou déi mat Lepra infizéiert Leit gelieft a gefleegt goufen.

Déi Rëtsch Haiser hannert der Puert goufen iwwregens alleguer ofgerappt fir der Strooss laanscht d’Puert Plaz ze maachen.

Fotograf: Charles Bernhoeft; Editeur: Charles BernhoeftDatum: 1898

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

19 décembre 2019

Dräifach Postkaart mat engem risegen Panorama iwwer den Osten vun der Stad Lëtzebuerg, opgeholl vum Plateau bei der Fondation Pescatore.

Fotograf: Charles Bernhoeft; Editeur: Charles Bernhoeft.

Datum: ca. 1898.Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

20 décembre 2019

Interessant Duebel-Postkaart vum Pont Adolphe, kuerz nodeem se fäerdeg ginn ass.

D’Adolphe-Bréck, am Géigesaz zu hirer méi aler Schwëster (der Aler Bréck oder der Passerelle) och nach Nei Bréck genannt, verbënnt, wéi jiddweree weess, de Garer Quartier mat der Alstad.

Duerch d’Schleefung vun der Festung am Joer 1867 konnt d’Stad Lëtzebuerg sech an nei Richtungen entwéckelen, an sou ass zum Beispill an den 1870er Joren ronderëm d’Alstad e Stroosserank op deenen ale Festungswierker entstanen, dee mir haut als Boulevard Royal kennen. De Lëtzebuerger Kënschtler an Ingenieur Eugène Ferron huet schonn an den 1880er Jore proposéiert, de Boulevard Royal mat enger Bréck mat engem eenzege grousse Bou Richtung Gare ze verlängeren. Den Albert Rodange (Jong vum Michel Rodange) huet dunn déi éischt Pläng ausgeschafft, déi definitiv Versioun gouf awer vum franséischen Architekt Paul Séjourné erstallt. D’Aarbechten goufen vun der Firma Fougerolle Frères ausgefouert.

1900 ass den Grondsteen vum deemolege Groussherzog Adolphe vu Nassau geluecht ginn.

D’Bréck ass ganz aus Sandsteen gebaut, wat am Laf vun der Zäit duerch d’Verwitterung vum Steen nawell zolidd Problemer bedeit huet. D’Steng koumen aus de Steebréch vu Gilsdref, Iernzen, Déiljen an dem Verluerekascht.

Den 24. Juli 1903 ass d’Bréck fir de Verkéier opgaangen an war dee Moment mat 153m Längt an 42m Héicht Rekordhalter als gréisst Bréck aus Hastee vun der Welt. Den Haaptbou huet eng Spanwäit vu 84,65m

De Bau vun der Bréck ass eis haut nach extrem gutt dokumentéiert duerch d’Fotoopnahmen vum Lëtzebuerger Fotograf Charles Bernhoeft a wéi hei vum Batty Fischer.

Ab 1904 ass d’Schmuelspuerlinn Chareli iwwert d’Bréck gefuer.

D’Bréck huet méi wéi eng Kéier misse sanéiert ginn. 1960/61 gouf eng nei Plaque aus Beton armé gegoss, fir méi Fuerspuren ze hunn.

Déi Aarbechten hunn dozou gefouert, dass an den 1990er Joren déi éischt Rëss an der Struktur vun der Bréck opgefall sinn, wouduerch am Joer 2003 déi éischt metalle Verstäerkungen agebaut hu misse ginn. Dat eleng ass awer net duergaangen.

Säit 2011 gouf un der Bréck, déi schlussendlech huet misse ganz fir de Verkéier gespaart ginn, an 2014 duerch eng Behëllefsbréck ersat ginn ass, bis 2017 geschafft. Deemnächst kann och deen neien Tram Luxexpo-Gare iwwert d’Bréck fueren.

Nach e puer Kuriositéiten: D’Bréck huet nach e puer Zwillingsschwësteren:

D’Walnut Lane Bridge zu Philadelphia an Amerika, d’Eisebunnsbréck Ponte de San Jorge zu Arguisuelas a Castillien, de Viaduc vu Lavaur a Frankräich an d’Sidi Rached Bréck an Algerien, déi alleguer op de Pläng vum Séjourné berouen.Fotograf & Editeur: Onbekannt.

Datum: ca. 1905

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

21 décembre 2019

Duebel Postkaart mat engem Panorama vun den ëstleche Quartieren vun der Stad, Pafendall, Clausen an Neiduerf, Cents a Rumm, mat ville Iwwerreschter a Bauwierker vun der Festung, déi haut zum UNESCO-Weltkulturierwen gehéierenFotograf: Charles Bernhoeft; Editeur: Charles BernhoeftDatum: 1898.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

22 décembre 2019

Vue op d’Place de la Constitution, d’Kathedral an d’Gebaier vum Kolléisch.

D’Kathedral gouf vun de Jesuittepateren tëscht 1613 an 1621 als Kierch gebaut. D’Joer vun der Wei vun der Kierch, also 1621, ass och an enger Inscriptioun um Portal ze gesinn: « Sit Nomen Domini Benedictum 1621 ». Säit 1870 ass d’Kierch eng Kathedral, dat nodeem Lëtzebuerg en Bistum gouf. Ab 1934 ass d’Kathedral erweidert ginn andeems de Chouer an d’Querschëff mat dem sougenannte Marieportal un déi al Jesuitekierch ugebaut goufen. Den bis 1934 eenzegen Tuerm dréit d’Mauerankeren vun 1618, déi eis also den Alter vun dësem Tuerm verroden, deen also dëst Joer 400 Joer steet.

E puer Wurt zum Kolléisch:

Op Initiative vum Antoine Houst, Member vum Conseil provincial sinn 1594 no villem hin an hier déi éischt Jesuitepateren op Lëtzebuerg komm. Si ware virun allem dofir bekannt, dass si am Bildungsberäich ganz aktiv waren. Schonn 1603 huet déi éischt Schoul vun de Jesuitten funktionéiert. Nodeems si an der Ënneschtgaass (Rue Notre-Dame) eng Rei Terrainen an Haiser kaaft hunn, hu se 1606-1611 déi éischt 2 Fligelen an L-Form (zur Säit vun der haiteger rue de l’Ancien Athénée an zum Bd. F.D. Roosevelt.) am Renaissancestil gebaut.

E weidere Fligel, dee parallel zur haiteger Kathedral steet, koum 1687 dobäi a gouf zum Deel duerch eng grousszügeg Spend vum Louis XIV finanzéiert, deen de Pateren eng uerdentlech Zomm als Kompensatioun fir d’Schied vun der Attack vun de Fransousen an de Joren 1683/84 geschenkt huet. Dëse Fligel gouf « Philosophiefligel » genannt, well d’Pateren hei virun allem Philosophie enseignéiert hunn, woufir si vum Franséische Kinnek de Privileeg krut haten.

Duerch eng weider Spend vun der Famill Nidercorn konnt e 1713 e weideren Ubau mat zwee Fligele geplangt a gebaut ginn. Den éischte Fligel gouf nees parallell zum haitege Bd. Roosefevelt gebaut, deen zweeten gouf am rechte Wénkel drugebaut, gouf awer 1934 ofgerappt, wéi d’Kathedral vergréissert gouf. Un dëse Fligel erënneren nach d’Arkaden Sprangbur a beim klenge Park um Bd. Roosevelt. Wann ee sech op de Parvis vun der Kathedral stellt an sech d’Architektur a besonnesch d’Fënsteren ukuckt, dann erkennt een déi verschidden Architekturelementer gutt.

Un de Philosophiefligel gouf géint 1720 nach eng Kéier e Bloc Richtung rue Notre Dame ugebaut, géint 1735 gouf d’Verbindung tëscht der Kathedral an dem Kolléisch geschaf. Remarkabel ass déi opulent Entréesdier am Barockstil, déi d’Haaptentrée zum Kolléisch duergestallt huet.

1773 ass de Jesuitenuerden an domat och de Kolléisch wéi e bis dohi funktionéiert huet opgeléist ginn a Professeren aus dem weltleche Klerus hunn den Enseignement iwwerholl.

Bis 1964 gouf et also hei e Lycée ënner verschiddenen Nimm, mol Athenée royal » bis 1839, mol Athénée Grand-Ducal bis 1964. An deem Joer ass de Kolléisch an d’Märelerwisen geplënnert a bis 1969 gouf de ganze Komplex vum « Ale Kolléisch » restauréiert fir d’Nationalbibliothéik do ënnerzebréngen.

Fotograf: Charles Bernhoeft; Editeur: Charles Bernhoeft

Datum: ca. 1905

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

23 décembre 2019

Flott Panoramavue iwwer Clausen, de Clausener Bierg, de fréiere Mansfeld-Parc an d’Uewerstad. Och interessant: de quasi net bebauten Plateau Altmünster.

Fotograf: Charles Bernhoeft; Editeur: Charles Bernhoeft.Datum: Onbekannt.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

24 décembre 2019

Schéin Opnam vum Palais Grand-Ducal an der Stad.

Den haitege Palais Grand-Ducal steet op der Plaz vum 3. Stater Gemengenhaus, dat den 11. Juni 1554 duerch d’Explosioun vun engem Polvermagaseng zerstéiert gi war, a war als Sëtz vum Gouverneur vu Lëtzebuerg geduecht. Eréischt 1572 hat d’Stad déi finanziell Moyenen nees zesummen, sech en neit Gemengenhaus ze bauen.

D’Gebai gouf am Renaissance-Stil ënnert der Responsabilitéit vum Stater Schäffen Adam Roberti, mat der Ënnerstëtzung vum Pierre-Ernest I de Mansfeld gebaut. Den Architekt ass net bekannt, et ass awer wahrscheinlech, dass et deen oder déi selwecht waren, déi och dem Mansfeld säi Schlass a Clausen gebaut hunn. Den eelsten Deel vum Palais ass also deen tëscht deenen 2 Tiermercher, lénks op eiser Postkaart.

1683 gouf de Palais ënner dem Louis XIV. senger Besetzung ëmgebaut, nodeems en wärend den Attacken uerg zerstéiert gi war. 1741-1743 ass riets vum eelsten Deel en Ubau am Barockstil, « Wo » genannt, bäigesat ginn, dee mir an der Mëtt vun der Postkaart gesinn. Dëse gouf 1891 ëmgebaut. 1858-1859 gouf nach méi riets deen Deel ugebaut, an deem haut d’Chamber ass.

Tëscht 1795 an 1814 wärend der franséischer Zäit war hei d’Préfecture vum Département des Forêts. Vun 1815 un war d’Gebai eng Zort administrativen Allzweckbau: Et war de Sëtz vun der Regierungskommissioun, an duerno, bis 1867, vun der Regierung. Vun 1848-1858 un hat och d’Parlament (dat 1857 an eng Assemblée des Etats ëmgeännert gouf) do säi Sëtz, bis et dann a säin eegent Gebai niewendru geplënnert ass. 1857 ass och nach de Staatsrot, deen duerch d’Lëtzebuerger Konstitutioun vun 1856 agefouert gi war, op den 2. Stack erageplënnert. Um selwechten 2. Stack war och nach eng archeologesch Sammlung ënnerbruecht. An de Kinnek-Groussherzog Wëllem II., huet 1841, 1844 an 1845 do gewunnt; säin Nofolger, de Wëllem III., just heiansdo, mä säi Statthalter, de Prënz Henri, nees méi reegelméisseg.

1867 sinn, als Resultat vum Londoner Traité, d’preisesch Truppen ofgezu ginn, an d’Regierung konnt sech am Refuge Sankt Maximin ariichten, do, wou bis viru kuerzem den Ausseministère war. De Staatsrot, d’archeologesch Sammlung, de Service agricole an d’Erzéiungskommissioun, déi sech och den 2. Stack hu missen deelen, sinn awer eréischt definitiv 1890 erausgeplënnert, wéi den Adolphe vun Nassau-Weilburg Groussherzog vu Lëtzebuerg gouf. Dofir gouf d’Gebai vun 1891 bis 1894 grëndlech ëm- an ausgebaut. An deem Kader koum och den Tuerm am Neorenaissance-Stil op der rietser Säit vum Palais derbäi, dësen ass op der Foto nach net ze gesinn an erméiglecht eis also d’Foto doduerch graff ze datéieren.

No 1964 an am Ufank vun den 1990er Jore gouf de Palais renovéiert an ass am Summer reegelméisseg op fir Visitten.

Fotograf: Charles Bernhoeft; Editeur: Charles Bernhoeft.

Datum: 1905

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

25 décembre 2019

Mat dëser aussergewéinlecher Postkaart, déi kuerz no der Befreiung duerch d’Amerikaner enstan ass, an déi vläicht och e bëssen zum Nodenken ureege soll, wënsche mir iech ganz schéi Feierdeeg.

Kënschtler: Onbekannt; Editeur: Onbekannt.

Datum: 1944.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

26 décembre 2019

Vue op Rumm-Befestegungen an eng vun de Kasären um Plateau.

Uewe lénks d’Dënselpuert, d.h. déi al Tréiererpuert, déi eréischt no 1867 nees opgemaach ginn ass. Am Mëttelalter war op dëser Plaz den ëstlechen Zougang fir an d’Stad Lëtzebuerg eranzekommen, also aus Richtung Tréier, dofir och „Tréierer Paart“ oder och nach „Dënselspuert » oder « Tour Jacob » genannt. Dës mëttelalterlech Puert ass um Enn vum 14. Jh. gebaut ginn am Kader vun der Befestegung vun der Rumm ënnert dem béimesche Kinnek Wenzel II..

Déi vill méi al sougenannten Krudelspuert, déi méi déif am Dall un der Uelzecht louch, an de Gronn mat Clause verbonnen huet ass zu deem Zäitpunkt zougemaach ginn. Säit d’Abtei Neimënster gebaut gouf, war des Puert souwisou wahrscheinlech net méi a Betrib. Hier Iwwerreschter gesäit een haut nach duerch eng Fënster am Tuutesall wann ee Richtung Stierche geet. Op der Foto louch si ongeféier hannert dem Pilier riets vun der Strooss Richtung Neimënster, ass awer natierlech net ze gesinn.

Haut steet e puer Meter ënnert der mëttelalterlecher Tour Jacob déi mat Stol rekonstruéiert « nei Tréiererpaart », déi also chronologesch déi lescht Paart ass, fir vun Osten hier an d’Stad Lëtzebuerg eranzekommen. Op der Foto ass si ganz gutt ze erkennen a gouf no 1867 leider ofgerappt.

Gebaut gouf si ëm 1590 an déi « mëttelal » Tréiererpaart gouf ganz zougemauert, genau sou wéi d’Tréiererstrooss e puer Meter no ënnen a laanscht d’Festungsmauer geluecht gouf. Et erkennt een op der Foto och, dass tëscht der Rumm duerch de Jacobstur an der Strooss fir op den Cents keng Verbindung besteet, wéi mir se haut kennen. 1590 hunn se beim Bau vun där « neier » Puert och e réimesche Mënzschatz fonnt, deen awer leider verluer gaangen ass. E beweist awer, dass och schonn zu Réimerzäiten eng Siidlung dës Säit vun der Uelzecht, evt. op der Rumm bestanen huet.

D’Leit déi an d’Stad era wollten hunn all op dëse Plazen ëmmer missen eng Taxe bezuelen.

Fir den Iwwerbléck also:

– Eng éischt Paart louch ënnen am Dall, d.h. déi aktuell rue Münster huet dohi gefouert.

– Duerno gouf am Mëttelalter d’Tour Jacob als 2. Tréierer Paart gebaut

– schlussendlech ëm 1590 déi jéngsten Tréierer Paart déi mir ënnert dem Jakobstur gesinn an déi 1867 ofgerappt an an den 1990er Joren aus Stol nees opgebaut gouf.

Am Hannergrond gesäit een och déi bal 12 Meter héij Tierm, déi en Deel vun der Rumm-Befestegung sinn an déi am Mëttelalter um Enn vum 14, Joerhonnert, ongeféier tëscht 1380 an 1395 op Uerder vum béimesche Kinnek Wenzel II gebaut goufen.

Uewe riets erkennt een déi lescht Kasär, déi op der Rumm gebaut gouf. Ënner preisescher Besatzung gouf de Bau vun neie Kasäre virugedriwwen. An de Joren 1863-1866 gouf um Plateau eng 5. Kasär, direkt hanner der mëttelalterlecher Mauer gebaut, déi sou genannte „Preisesch Kasär“, e massive bommeséchere Bau, no den deemools neisten Technike vum Festungsbau gebaut: den Daach konnt am Krichsfall bannent kierzter Zäit ofgedroe ginn an duerch eng déck Couche Buedem ersat ginn, déi d’Gebai viru Bombardement schütze sollt. D’Rumm war zu deem Zäitpunkt d’Heemecht fir Artillerietruppen, déi natierlech och mat der Stadbevëlkerung Kontakt haten, deen net ëmmer onproblematesch war – vun dohier kënnt och d’lëtzebuergescht Lidd « Et wor emol e Kanonéier ».

Fotograf: Onbekannt; Editeur: Th. Wirol, Luxembourg-Gare.

Datum: Onbekannt.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

27 décembre 2019

Vue op en Deel vun der Passerell an den Helleg-Geescht-Plateau.

D’Passerelle, och nach « Viaduc » oder « Al Bréck » genannt, nodeems déi « nei Bréck » oder de Pont Adolphe 1903 gebaut gouf.

D’Passerelle, déi de Garer Quartier mat der Uewerstad verbënnt, gouf vum Achille Grenier an dem Auguste Letellier geplangt a vun 1859-1861 vun der englescher Firma Waring Brothers gebaut.

Et ass keen Zoufall, dass de Bau vun der Passerelle an déi selwecht Zäit fält, wéi de Bau vun der éischter Gare vun der Stad Lëtzebuerg. Et war vun Ufank u kloer, dass d’Gare, déi aus strategesche Grënn ausserhalb vun de Festungsmaueren stoung, misst mam Zentrum verbonne ginn.

Fir de Bau vun der Bréck ass fir d’éischt eng hëlze Behëllefsbréck, eng Passerelle opgeriicht ginn, déi der Bréck also ee vun hiren haitege Nimm ginn huet.

D’Passerelle ass 308,40 Meter laang a besteet aus 26 Béi, déi tëscht 8 a 15m breet sinn. D’Maximalhéicht ass 45m.

Geplangt gouf d’Bréck vum Achille Grenier an dem Auguste Letellier, gebaut gouf se vun 1859-1861 vun der englescher Firma Waring Brothers.

Dass d’Bréck e liichte Bou huet, ass iwwregens op taktesch Grënn aus der Zäit wéi Lëtzebuerg nach eng Festungsstad war, zeréckzeféieren. Wahrscheinlech war si och mat Sprengkummeren versinn.

1960 gouf si fir de ville Verkéier méi breed gemaach an dräispureg ausgebaut. Virun e puer Joer ass dunn eng Spuer duerch eng geséchert Vëlospiste mat engem Vëloscompteur installéiert gëtt, deen iwwregens all Joer en neie Rekord opstelltFotograf: Charles Bernhoeft; Editeur: Charles Bernhoeft.Datum: 1898.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

28 décembre 2019

Schéin duebel Postkaart mat engem Panorama iwwer de Gronn an d’Uewerstad.

Fotograf: Charles Bernhoeft; Editeur: Charles Bernhoeft.

Datum: 1902.Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

29 décembre 2019

Selte Vue aus dem Agang vum Neiduerf op den Taviounswee, am Hannergrond eng vun den alen zerstéierte Puerten vum Mansfeld sengem Schlass, déi nom sengem Jong, dem Octavian benannt war. Aus deem Numm huet sech den nach haut gebräichleche Begrëff « Tavioun » fir de Wee op de Fetschenhaff (Cents) forméiert. D’Puert ass 1875 ofgerappt ginn. Och interessant: riets nach mat Stréi gedeckten Diecher. D’Neiduerf selwer läit net méi an der « Zone Tampon » vum UNESCO-Weltkulturierwen, en Deel vum Motiv vun der Postkaart allerdéngs schonn.

Am Verglach mat den Uertschafte ronderëm d’Staat ass d’Neiduerf, wéi den Numm et undeit, e relativ jonkt Duerf.

D’Siidlungsgeschicht vum Neiduerf fänkt u sech un mam Bau vum Grof Mansfeld sengem Schlass ab dem Joer 1563. Am Beräich vum Neiduerf, an dem laanggezunnenen Dällchen, war säi prachtvolle Déierepark, mat wëllen Déieren, Planzen an allerlee Skulpturen. De ganzen Déieregaart war mat enger riseger Mauer ëmginn, déi ongeféier vum Clausener Viaduc, op d’Dräi Eechelen, op de Weimeschhaff, eriwwer an den Huesegrënnchen, laanscht déi fréier Brauerei Henri Funck, erop op den Centser Plateau, laanscht den Tavioun, de Kéibierg, de Fetschenhaff, an nees erof a Clausen gefouert huet. De Mansfeld hat awer no sengem Retour op Lëtzebuerg, 1599 am Alter vun 82 Joer, nach knapp 5 Joer Zäit fir säi Liewen ze genéissen. Hien ass 1604 gestuerwen.

Fir d’Entwécklung vum Neiduerf war also virun allem dem Mansfeld säin Déieregaart vu Bedeitung. Och haut fanne mir dovu Spueren an de Flouernimm vum Neiduerf: Déieregaart, Hierzekrëpp (wou d’Hirsche gefiddert goufen), Huesegrënnchen etc.

D’Arel vum Mansfeld sengem Schlass hat 5 Puerten, am Neiduerf, bei der fréierer Brauerei Henri Funck war d’Péiteschpuert, benannt nom Mansfeld. Bei der Puert gouf et eng Déngschtwunneng fir de Gardien a fir d’Fierschtere vum Déieregaart. Dës Gebaier sinn och nom Zerfall vum Schlass erhale bliwwen a lues a lues koumen nei Gebaier an dem spéidere Quartier Neiduerf derbäi.

Den Numm « Nieduerf » taucht awer eréischt um Enn vum 18. Joerhonnert an de Parbicher an an den Dokumenter vun der Gemeng Eech, zu där de « Laangegronn » gehéiert huet. Dëst ass op en historescht Evenement zeréckzeféieren. Wéi 1794 déi franséisch Revolutiounstruppen der Festung ëmmer méi no koumen, huet de Festungskommandant Bender d’Haiser ausserhalb vun de Festungsmaueren ofrappe gelooss, well si am Feierberäich vun der Festung louchen. Doduerch sinn och d’Haiser bei der Péiteschpuert an och d’Puert selwer verschwonnen an d’Leit déi enteegent goufen, sinn e.a. Huesegrënnchen, am Dällchen uewerhalb vu Clausen a bannent de Festungsmaueren ugesidelt. D’Leit hunn den Dall deemols dofir einfach Neidierfchen genannt, aus deem haut d’Neiduerf ginn ass.

D’Neidierfchen war laang Zäit aarm a bekannt duerch seng kleng Haiser mat stréigedeckten Dächer, déi 1845 duerch e grousst Feier bal all zerstéiert goufen. Duerno gouf dëst Material wéinst der Feiergefor verbueden, obwuel se nach laang net iwwerall verschwonne waren. E wichtege Wirtschaftsfaktor, deen zum Opschwong am Neiduerf gefouert huet, war natierlech d’Brauerei Henri Funck, déi vun 1864-1983 do produzéiert huet, nodeems si vun de Brasseries Réunies de Luxembourg, Mousel et Clausen opkaaft gi waren. Dëst ass awer en anert grousst Kapitel an der Geschicht vum Neiduerf.

Fotograf: Amateur.

Datum: 1860er Joeren.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

30 décembre 2019

Vue op d’Kathedral, de fréiere Seminär an d’Gebaier vum Kolléisch.

D’Kathedral gouf vun de Jesuittepateren tëscht 1613 an 1621 als Kierch gebaut. D’Joer vun der Wei vun der Kierch, also 1621, ass och an enger Inscriptioun um Portal ze gesinn: « Sit Nomen Domini Benedictum 1621 ». Säit 1870 ass d’Kierch eng Kathedral, dat nodeem Lëtzebuerg en Bistum gouf. Ab 1934 ass d’Kathedral erweidert ginn andeems de Chouer an d’Querschëff mat dem sougenannte Marieportal un déi al Jesuitekierch ugebaut goufen. Den bis 1934 eenzegen Tuerm dréit d’Mauerankeren vun 1618, déi eis also den Alter vun dësem Tuerm verroden, deen also dëst Joer 400 Joer steet.

E puer Wurt zum Kolléisch:Op Initiative vum Antoine Houst, Member vum Conseil provincial sinn 1594 no villem hin an hier déi éischt Jesuitepateren op Lëtzebuerg komm. Si ware virun allem dofir bekannt, dass si am Bildungsberäich ganz aktiv waren. Schonn 1603 huet déi éischt Schoul vun de Jesuitten funktionéiert. Nodeems si an der Ënneschtgaass (Rue Notre-Dame) eng Rei Terrainen an Haiser kaaft hunn, hu se 1606-1611 déi éischt 2 Fligelen an L-Form (zur Säit vun der haiteger rue de l’Ancien Athénée an zum Bd. F.D. Roosevelt.) am Renaissancestil gebaut.

E weidere Fligel, dee parallel zur haiteger Kathedral steet, koum 1687 dobäi a gouf zum Deel duerch eng grousszügeg Spend vum Louis XIV finanzéiert, deen de Pateren eng uerdentlech Zomm als Kompensatioun fir d’Schied vun der Attack vun de Fransousen an de Joren 1683/84 geschenkt huet. Dëse Fligel gouf « Philosophiefligel » genannt, well d’Pateren hei virun allem Philosophie enseignéiert hunn, woufir si vum Franséische Kinnek de Privileeg krut haten.

Duerch eng weider Spend vun der Famill Nidercorn konnt e 1713 e weideren Ubau mat zwee Fligele geplangt a gebaut ginn. Den éischte Fligel gouf nees parallell zum haitege Bd. Rooseevelt gebaut, deen zweeten gouf am rechte Wénkel drugebaut, gouf awer 1934 ofgerappt, wéi d’Kathedral vergréissert gouf. Un dëse Fligel erënneren nach d’Arkaden Sprangbur a beim klenge Park um Bd. Roosevelt. Wann ee sech op de Parvis vun der Kathedral stellt an sech d’Architektur a besonnesch d’Fënsteren ukuckt, dann erkennt een déi verschidden Architekturelementer gutt.

Un de Philosophiefligel gouf géint 1720 nach eng Kéier e Bloc Richtung rue Notre Dame ugebaut, géint 1735 gouf d’Verbindung tëscht der Kathedral an dem Kolléisch geschaf. Remarkabel ass déi opulent Entréesdier am Barockstil, déi d’Haaptentrée zum Kolléisch duergestallt huet.

1773 ass de Jesuitenuerden an domat och de Kolléisch wéi e bis dohi funktionéiert huet opgeléist ginn a Professeren aus dem weltleche Klerus hunn den Enseignement iwwerholl.

Bis 1964 gouf et also hei e Lycée ënner verschiddenen Nimm, mol Athenée royal » bis 1839, mol Athénée Grand-Ducal bis 1964. An deem Joer ass de Kolléisch an d’Märelerwisen geplënnert a bis 1969 gouf de ganze Komplex vum « Ale Kolléisch » restauréiert fir d’Nationalbibliothéik do ënnerzebréngen.

Fotograf: Charles Bernhoeft; Editeur: Charles Bernhoeft.

Datum: 1905.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

31 décembre 2019

Flott Vue op d’Uelzecht an déi al Gierwerhaiser am Gronn.

Iwwert de Gronn, de Faubourg vun der Stad Lëtzebuerg kéint ee Bicher schreiwen – wat natierlech och gemaach gouf a gëtt.

Virun e puer Joerzéngten nach en äermleche Quartier, wou een net esou gären higaangen ass, ass et haut eng vun deene schéinsten a gemittlechste Plazen an der Stad. Virun allem d’Renovatiounen vu ville Gebaier Enn 80er an an den 90er Joren, d’Erëffnung vum Naturmusée an der Abtei Neimënster, Caféen a Restauranten an de Bau vun engem Lift vum Hl. Geeschtplateau erof an den Dall hunn dozou gefouert, dass haut am Gronn d’Liewe pulséiert wéi nach ni. An trotzdeem eng gewësse Rou ausstraalt.

Schonn am fréie Mëttelalter hu Mënschen an dësem Deel vun der Stad gelieft, nach iert de Sigfried um Bockfiels seng kleng Buerg gebaut huet.

Bis an d’14. Joerhonnert louch de Gronn nach « ante portas », d.h. virun den Dieren vun der Stad Lëtzebuerg a gouf dunn eréischt an d’Schutzmauer vun der Stad ënnert dem Wenzel II. mat erageholl.

E reliéisen Zentrum war de Gronn virun allem duerch den am Mëttelalter gegrënnten Hospice St. Jean, d’Benediktinerabtei Neimënster an d’Kierch St. Ulric.

Industriellen Zentrum war de Gronn doduerch, dass hei vill Fëscher, Fierwer Gierwer an aner Handwierker déi d’Waasser resp. d’Waasserkraaft vun der Uelzecht gebraucht hunn, sech hei néiergelooss hunn.

Ënnert anerem Händschefabriken aus dem Gronn wéi z.B. d’Handschuhfabrik Albert Reinhard & Cie an der Plaetisgaass waren eng bedeitend Wirtschaftsbranche vun der Stad Lëtzebuerg. En Deel dovun steet och nach haut an huet als Appartementshaus mat Bureauen iwwerlieft. E weideren Deel gouf ofgerappt an als Park amenagéiert.

Net ze vergiessen sinn natierlech déi zwee Prisongen, déi am alen Hospice St. Jean (Fraeprisong) an an der Abtei Neimënster (fir d’Männer) installéiert goufen a bis an d’1980er Joren bestanen hunn, bis de Prisong zu Schraasseg opgaangen ass. Méi en däischtert Kapitel also vun der interessanter Geschicht vum Gronn.

Et ass kloer, dass mir op dëser Plaz nëmmen e ganz klengen Ëmrëss vun der Geschicht vum Gronn maache kënnen, an hoffen dass mir heimat den Interessi fir d’Geschicht vun dësem dach schéine Quartier bei deem engen oder aneren ausléise konnten.

Fotograf: Amateur.

Datum: ca. 1900.Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

01 janvier 2020

Prosit Neujahr! Schéin artistesch Postkaart aus dem Pafendall, mat engem Vue op d’Uelzecht an d’Bréck, déi et schonn zu Réimerzäite bal op der selweschter Plaz gouf.

Fotograf: Charles Bernhoeft; Editeur: Charles Bernhoeft.

Datum: 1897.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

02 janvier 2020

Flott Foto vun der Dënselpuert op der Rumm.

Dënselpuert, d.h. déi al Tréiererpuert, ass eréischt no 1867 nees opgemaach ginn. Am Mëttelalter war op dëser Plaz den ëstlechen Zougang fir an d’Stad Lëtzebuerg eranzekommen, also aus Richtung Tréier, dofir och „Tréierer Paart“ oder och nach „Dënselspuert » oder « Tour Jacob » genannt. Dës mëttelalterlech Puert ass um Enn vum 14. Jh. gebaut ginn am Kader vun der Befestegung vun der Rumm ënnert dem béimesche Kinnek Wenzel II..

Déi vill méi al sougenannten Krudelspuert, déi méi déif am Dall un der Uelzecht louch, an de Gronn mat Clause verbonnen huet ass zu deem Zäitpunkt zougemaach ginn. Säit d’Abtei Neimënster gebaut gouf, war des Puert souwisou wahrscheinlech net méi a Betrib. Hier Iwwerreschter gesäit een haut nach duerch eng Fënster am Tuutesall wann ee Richtung Stierche geet. Op der Foto louch si ongeféier hannert dem Pilier riets vun der Strooss Richtung Neimënster, ass awer natierlech net ze gesinn.

Haut steet e puer Meter ënnert der mëttelalterlecher Tour Jacob déi mat Stol rekonstruéiert « nei Tréiererpaart », déi also chronologesch déi lescht Paart ass, fir vun Osten hier an d’Stad Lëtzebuerg eranzekommen. Op der Foto ass si ganz gutt ze erkennen a gouf no 1867 leider ofgerappt.

Gebaut gouf si ëm 1590 an déi « mëttelal » Tréiererpaart gouf ganz zougemauert, genau sou wéi d’Tréiererstrooss e puer Meter no ënnen a laanscht d’Festungsmauer geluecht gouf. Et erkennt een op der Foto och, dass tëscht der Rumm duerch de Jacobstur an der Strooss fir op den Cents keng Verbindung besteet, wéi mir se haut kennen. 1590 hunn se beim Bau vun där « neier » Puert och e réimesche Mënzschatz fonnt, deen awer leider verluer gaangen ass. E beweist awer, dass och schonn zu Réimerzäiten eng Siidlung dës Säit vun der Uelzecht, evt. op der Rumm bestanen huet.

D’Leit déi an d’Stad era wollten hunn all op dëse Plazen ëmmer missen eng Taxe bezuelen.

Fir den Iwwerbléck also:

– Eng éischt Paart louch ënnen am Dall, d.h. déi aktuell rue Münster huet dohi gefouert.

– Duerno gouf am Mëttelalter d’Tour Jacob als 2. Tréierer Paart gebaut

– schlussendlech ëm 1590 déi jéngsten Tréierer Paart déi mir ënnert dem Jakobstur gesinn an déi 1867 ofgerappt an an den 1990er Joren aus Stol nees opgebaut gouf.

Fotograf: Amateur.

Datum: ca. 1900.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

03 janvier 2020

Flott Vue bei der Uelzecht a Clausen op de Clausener Viaduc, 1862 vun der brittescher Entreprise Waring Brothers entworf an am Optrag vum Adolphe Favier, deen d’Konzessioun vun der Nordstreck hat, gebaut. D’Bréck huet eng Längt vun 208 Meter, ass 44 Meter héich, 15 Meter breet an dee gréisste Bou iwwerspaant 15 Meter. Tëscht engem vun de Béi kann een déi al Abteikierch vun der Abtei Neimënster entdecken.

Fotograf: Amateur.

Datum: ca. 1900.Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

04 janvier 2020

Vue op dat alt Direktiounsgebai vun der Post, deemols an der rue du Génie, haut Avenue Monterey.

Dëst Gebai, wat scho laang net méi besteet, hat eng laang Geschicht. De viischten Deel vum Komplex staamt aus der Mëtt vum 16. Joerhonnert, den hënneschten Fligel op der Postkaart ass am 17. Joerhonnert derbäi komm.

Am Volleksmond gouf et och « Kinnekshaus » genannt. E puer Informatiounen dozou kréie mir vum Thomas Mameranus, Brudder vum Nicolaus Mameranus, Haffdichter a Krichsschreiwer vum Karel V. Wéi an ville Stied, hunn d’Stadhären, an eisem Fall d’Grofen vu Lëtzebuerg a spéider déi jeeweileg auslännesch Kinneken, Späicheren oder Kummeren ugeluecht, fir Reserven vu Kar unzeleeën, am Fall vun enger Attack vun der Stad. An der Stad Lëtzebuerg gouf et esou Karspäicheren natierlech an der Buerg resp. am Schlass an och bei der mëttelalterlecher Maarthal um Fëschmaart.

Nodeem d’Stad 1554 duerch d’Explosioun vun engem Polvermagaseng an e grousst Feier groussflächeg zerstéiert gouf, ass decidéiert ginn, den neie Karspäicher méi wäit ausserhalb vum Stadkär ze bauen, dëst an d’Géigend vun der fréierer Judepuert, d.h. do wou haut d’Postgebai um Aldringer steet. Vu dass d’Haus dem Kinnek gehéiert huet, krut et wuel den Numm Kinnekshaus. D’Kelleren vun deem Gebai sollen laut dem Thomas Mameranus besonnesch grouss a staark gewiescht sinn.

Vun 1769-1795, d.h. bis zur franséischer Revolutioun, war am Kinnekshaus de Conseil Provincial ënnerbruecht.

1795 koum dunn d’Genie-Direktioun (responsabel fir de Festungsbau) an dëst Gebai an ass do bis 1867 bliwwen. Gläichzäiteg ass och d’Gendarmerie bis ca. 1798 am Rez-de-Chaussée hei ënnerbruecht ginn.

De ganze Komplex ass 1907 ofgerappt ginn, fir dem Neibau vun der Post, wéi mir en och haut nach kennen, Plaz ze maachen.

Riets op der Postkaart gesäit een d’Entrée vum deemolegen Neibau vun der Famill Reuter-Reuter. Dëst Gebai mat dem markanten Ecktuerm, wat 1905/06 gebaut ginn ass, koum duerno an d’Hänn vun der Société Luxembourgeoise de Crédit et de Dépot (fréier Werling, Lambert et Cie), 1933 war et d’BIL déi d’Gebai iwwerholl huet. Dat schéint Gebai ass awer leider 1964 ofgerappt ginn an duerch e moderne Komplex ersat ginn.

Fotograf: Charles Bernhoeft; Editeur: Charles Bernhoeft.Datum: 1909

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

05 janvier 2020

Animéiert Vue vun der fréierer Maria Theresien-Avenue, haut Boulevard Franklin Delano Roosevelt, benannt nom 32. amerikanesche President (1882-1945). Nom Bau vun der Pont Adolphe huet d’Strooss Boulevard du Viaduc resp. Brückenring während der Besatzung am 2. Weltkrich geheescht. De Boulevard féiert vun der aler Bréck bis op d’Bréisseler Plaz a krut säin Numm duerch de Gemengerotsbeschloss vum 23. Abrëll 1945, e puer Deeg nom Doud vum F.D.R. Fotograf & Editeur: Onbekannt.

Datum: 1910

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

06 janvier 2020

Vue op de Knuedler an der Stad mam Monument vum Wëllem II. während engem Maartdag.

Offiziell heescht d’Plaz jo « Place Guillaume », benannt nom Wëllem II. vun Holland, Groussherzog vu Lëtzebuerg vun 1840-1849.

Den Numm Knuedler krut d’Plaz duerch d’Franziskanermönchen, déi am Mëttelalter bis zur Zäit vum Napoleon e Klouschter op der Plaz haten. Den Numm Knuedler soll also vun de Kniet un der Kordel vun de Pateren hier kommen.

Um Knuedler stoungen méi Gebaier wéi haut, wéi een och un de Fundamenter an de rezenten Ausgruewunge op der Plaz konnt gesinn. Ënnert anerem huet een och e Kierfecht fräigeluecht.

1554 koum et duerch e Blëtzschlag an d’Knuedlerkierch, wou ënnert dem Dag d’Schéisspolver vun de Kanounen vun der Festung gelagert gouf, zu enger riseger Explosioun an engem grousse Feier, wat d’Stadbild zolidd verännert huet. Vill Haiser sinn dem Brand zum Opfer gefall, well se mat Stréi oder hëlzen Schëndelen gedeckt waren. Nom Feier goufen verschidde Stroossen méi breet gemaach (z.B. Groussgaass), d’Haiser mat Schifer gedeckt an ganz nei Stroossenzich ugeluecht (z.B. Louvignysgaass, Philippsgaass etc.)

Plaz ass och bekannt duerch d’Ofhale vu Wochemäert, den Oktavmäertchen, verschidde Festivallen, Public Viewings, Chrëschtmäert, seng Äispist am Wanter, Baler etc. Eng Plaz also, wou seelen näischt lass ass.

D’Monument vum Wëllem II. gouf 1884 opgeriicht. Haut steet och eng exakt Kopie vun der Statue zu Den Haag am Buitenhof, well eng aner Statue vum Wëllem II. net gefall huet an déi dunn 1924 op Tilburg gestallt ginn ass…

Fotograf: Charles Bernhoeft; Editeur: Charles Bernhoeft.

Datum: 1897.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

07 janvier 2020

Eng flott Panoramafoto vum Pafendall.

Ënnen am Pafendall erkenne mer hannen vu lénks no riets d’Eecherpuert, de « Féngerlek » (de Kamäin vun der Pompelstatioun, déi d’Drénkwaasser vun der Quell am Pafendall an Uewerstad gepompelt huet), de « Béinchen » an de Quartier mam selwechte Numm an d’Sichepaart.

De Béinchen ass en Deel vun der Vaubansfestung a gouf 1684 bis 1685 vum Vauban queesch duerch den Uelzechtdall gebaut fir de Pafendall an d’Festung opzehuelen. An der Bréck goufen et Gitteren, déi konnten erofgelooss ginn, dass den Ugräifer net iwwer d’Uelzecht konnt an de Pafendall erakommen.

Méi riets erkenne mir d’Pafendaller Kierch, déi dem Hl. Théiwes (St. Mathieu) geweit ass an 1872 gebaut gouf. Den Théiwesbur, den ale Wäschbur aus dem Pafendall deen direkt lénks nieft der Kierch steet, dierft jo och jidderengem aus dem Jean-Pierre Kemmer sengem Lidd bekannt sinn.

D’Kierch huet am 2. Weltkrich Geschicht geschriwwen, wéi während 14 Méint 6 desertéiert lëtzebuerger Zwangsrekrutéiert sech do verstoppt hunn.

Vis-à-vis vun der Kierch steet dat alt Vaubans-Lazarett, wat no sengem eigentlechen Zweck mol als Fabrik, mol als Wunnraum, mol als Musée funktionéiert huet, bis et 1955 ofgerappt gouf.

Fotograf: Amateur.

Datum: ca. 1900.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

08 janvier 2020

Vue op de fréieren Refuge St. Maximin bei der Place Clairefontaine mat der Entrée vun der Kathedral an dem fréiere Kolléisch am Hannergrond.

Säit wéini et e Refuge vun der Abtei St. Maximin bei Tréier an der Stad Lëtzebuerg gouf, ass net geséchert, et ass awer gutt méiglech, dass dëst scho kuerz nom Entstoe vun der Stad de Fall war.

Eng éischt Ernimmung vum Refuge St. Maximin gëtt et am Joer 1484 an duerno am Joer 1541. Am Dokument vun 1484 geet och Riets vun der Lag vum Refuge, « bei den Knodleren », beim Knuedler also, wat duerchaus mat der haiteger Plaz iwwertenee stëmme kann. 1663 schéngt op der Plaz en neit Gebai fir d’Abtei St. Maximin gebaut ginn ze sinn, wéi eis al Ecksteng verroden. Den haitege Bau geet allerdéngs op de Bau vun 1751 zeréck, deen ënnert dem Abt Henri (Willibrord) Scheffer, no de Pläng am Barock-Stil vum Jean-Nicolas Steinmetz vum Entrepreneur Louis Hendel gebaut gouf.

De Gaart vum Refuge war vun der Strooss ofgetrennt duerch en wonnerschéint Eisegitter, vum P. Fox entworf a vum Konschtschmadd P. Petit ausgefouert. Dëst Gitter steet haut beim Schlass zu Beetebuerg an dréit nach ëmmer d’Wopen vum Abt Henri (Willibrord) Scheffer.

An de Revolutiounszäiten, 1797, gëtt de Refuge geraumt an den 31. Mäerz am Numm vum Ex-Pater Romain Jacquenau vu Bartreng vum Jean Henri Dondelinger fir 50000 Gulde (oder 20000 Pond) gesteet. De Jean Henri Dondelinger, deen och schonn en Deel vun der Abtei vun Iechternach gesteet hat, keeft et uschléissend fir 18000 Frang dem Jacquenau of a verkeeft et du weider un de Wiert Jean Diedenhoven-Kuffer, deen d’Gebai verlount. An de folgende Joren wunnen ca. 50 Leit am aus, ausserdeem fanne mir hei d’Dréckerei vum Claude a Jacques Lamort. 1829 hunn nëmmen 3 Famillen am Haus gewunnt, e.a. de Procureur d’Etat Longrée, de Jean Diedenhoven an den hollännesche Generolmajouer von Goedecke.

1839 huet Madamm Agathe Diedenhoven, Wittfra vum Mathieu Deitz d’Gebai fir 100000 Frang un den Däitsche Bond (d.h. d’Festungsbesatzung) verkaaft, déi et als Sëtz fir de Militärgouverneur ausgebaut hunn. Wéi nom Londoner Kongress d’Festung zerstéiert ginn ass, ass de Refuge als Entschiedegung fir d’Schleefe vun der Festung mat villen anere Gebaier un de Lëtzebuerger Staat gaangen. Den 9. September 1867 huet de leschte Militärgouverneur, de Generol von Brauchitsch de Refuge verlooss. Vun 1868-1869 ass d’Gebai no de Pläng vum Architekt Charles Arendt ëmgebaut ginn, fir et als Regierungssëtz ze notzen. 1880 huet de Staatsminister Paul Eyschen d’Gebai op en neits renovéiere gelooss.

Vun 1945 bis 2017 hat den Ausseministère vun der Lëtzebuerger Regierung do säi Sëtz, deen dun an de fréiere Justizpalais geplënnert ass. zanter Juli 2019 ass et de Sëtz vum Staatsministere.

Niewent dem „grousse“ Refuge, gouf et och nach e „klenge“ Refuge, dee wuel och 1751 mam grousse Gebai opgeriicht gouf. Dëst ass lénks op der Postkaart nach ze gesinn. Hei war an den 1920er Joren, bis 1932 de Passbüro ënnerbruecht. D’Gebai ass 1933 ofgerappt ginn.

Fotograf & Editeur: P.C. Schoren, phot., Luxembourg, rue Sigefroi, Gare.

Datum: 1911.Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

09 janvier 2020

Panorama vun den 3 Eechele gekuckt iwwer Clausen Richtung Uewerstad.

Fotograf: Charles Bernhoeft; Editeur: Charles BernhoeftDatum: 1905.Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

10 janvier 2020

Flott Foto vum Plateau Altmënster (benannt no der fréierer Abtei Almënster) aus op d’Uewerstad gekuckt.

Fotograf & Editeur: Jos. Fischer-Ferron, Luxembourg

Datum: 1902.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

11 janvier 2020

Schéi Vue an d’Tilleschgaass am Gronn, mat der Uewerstad am HannergrondHei huet sech nach net esou vill geännert oder? D’Rue St. Ulric verleeft nach ëmmer d’selwescht. Fréier war d’Tilleschgaass e wichtege Wee dee vun Diddenuewen aus an d’Festung Lëtzebuerg gefouert huet; d’Gaass huet deemno säit 1798 bis 1925 rue de Thionville geheescht.

Wéi am Joer 1671 aus strategesche Grënn am Gronn ëmgebaut gouf, goufen an der Tilleschgaass eng Parti Haiser ewechgerappt, an op där Plaz gouf eng Garnisounsbäckerei gebaut déi bis 1807 a Betrib war. Duerno gouf an d’Plaz dovun e Prisong gebaut – dat grousst laangt Gebai, dat haut nach do steet. Wéi deen ze kleng gi war, gouf de Prisong an déi fréier Abtei Neimënster verluecht. An d’Gebai an der Tilleschgaass koumen noeneen eng Schongfabrik, eng Erzéiungsanstalt fir Jongen (déi sougenannt « Winnschoul ») an Déngschtwunnenge fir d’Prisongspersonal. Um Enn vum 20. Joerhonnert gouf d’Gebai am Fong renovéiert, an zanterhier si Sozialwunnengen dran.

Fotograf: Charles Bernhoeft; Editeur: Charles Bernhoeft.

Datum: 1902.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

12 janvier 2020

Wanterlech Vue op de Knuedler. Wéi een erkennt gouf dofir eng Foto vum Fotograf Charles Bernhoeft kënschtleresch nogezeechent a mat Schnéi « bedeckt ».

De Knuedler: Offiziell heescht d’Plaz jo « Place Guillaume », benannt nom Wëllem II. vun Holland, Groussherzog vu Lëtzebuerg vun 1840-1849.

Den Numm Knuedler krut d’Plaz duerch d’Franziskanermönchen, déi am Mëttelalter bis zur Zäit vum Napoleon e Klouschter op der Plaz haten. Den Numm Knuedler soll also vun de Kniet un der Kordel vun de Pateren hier kommen.

Um Knuedler stoungen méi Gebaier wéi haut, wéi een och un de Fundamenter an de rezenten Ausgruewunge op der Plaz konnt gesinn. Ënnert anerem huet een och e Kierfecht fräigeluecht.

1554 koum et duerch e Blëtzschlag an d’Knuedlerkierch, wou ënnert dem Dag d’Schéisspolver vun de Kanounen vun der Festung gelagert gouf, zu enger riseger Explosioun an engem grousse Feier, wat d’Stadbild zolitt verännert huet. Vill Haiser sinn dem Brand zum Opfer gefall, well se mat Stréi oder hëlzen Schëndelen gedeckt waren. Nom Feier goufen verschidde Stroossen méi breed gemaach (z.B. Groussgaass), d’Haiser mat Schifer gedeckt an ganz nei Stroossenzich ugeluecht (z.B. Louvignysgaass, Philippsgaass etc.)

DPlaz ass och bekannt duerch d’Ofhale vu Wochemäert, den Oktavmäertchen, verschidde Festivalen, Public Viewings, Chrëschtmäert, seng Äispist am Wanter, Baler etc. Eng Plaz also, wou seelen näischt lass ass.

Fotograf & Editeur: Charles Bernhoeft.

Datum: 1898.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”

13 janvier 2020

Eng weider, leider manner gutt Opnam vun den 3 Eechelen, dem Fort Thüngen, aus gekuckt, iwwer de Pafendall Richtung Uewestad, mam Hospice Civil ënner lénks.

Fotograf: Onbekannt; Editeur: Onbekannt.

Datum: Onbekannt.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

14 janvier 2020

Vue vum Bock iwwer de Gronn mat der Abtei Neimënster, Richtung Rumm-Befestegungen.

Lénks vun der Mëtt ass d’Dënselpuert, d.h. déi al Tréiererpuert, déi eréischt no 1867 nees opgemaach ginn ass. Am Mëttelalter war op dëser Plaz den ëstlechen Zougang fir an d’Stad Lëtzebuerg eranzekommen, also aus Richtung Tréier, dofir och „Tréierer Paart“ oder och nach „Dënselspuert » oder « Tour Jacob » genannt. Dës mëttelalterlech Puert ass um Enn vum 14. Jh. gebaut ginn am Kader vun der Befestegung vun der Rumm ënnert dem béimesche Kinnek Wenzel II..

Déi vill méi al sougenannten Krudelspuert, déi méi déif am Dall un der Uelzecht louch, an de Gronn mat Clause verbonnen huet ass zu deem Zäitpunkt zougemaach ginn. Säit d’Abtei Neimënster gebaut gouf, war des Puert souwisou wahrscheinlech net méi a Betrib. Hier Iwwerreschter gesäit een haut nach duerch eng Fënster am Tuutesall wann ee Richtung Stierche geet. Op der Foto louch si ongeféier hannert dem Pilier riets vun der Strooss Richtung Neimënster, ass awer natierlech net ze gesinn.

Haut steet e puer Meter ënnert der mëttelalterlecher Tour Jacob déi mat Stol rekonstruéiert « nei Tréiererpaart », déi also chronologesch déi lescht Paart ass, fir vun Osten hier an d’Stad Lëtzebuerg eranzekommen. Op der Foto ass si ganz gutt ze erkennen a gouf no 1867 leider ofgerappt.

Gebaut gouf si ëm 1590 an déi « mëttelal » Tréiererpaart gouf ganz zougemauert, genau sou wéi d’Tréiererstrooss e puer Meter no ënnen a laanscht d’Festungsmauer geluecht gouf. Et erkennt een op der Foto och, dass tëscht der Rumm duerch de Jacobstur an der Strooss fir op den Cents keng Verbindung besteet, wéi mir se haut kennen. 1590 hunn se beim Bau vun där « neier » Puert och e réimesche Mënzschatz fonnt, deen awer leider verluer gaangen ass. E beweist awer, dass och schonn zu Réimerzäiten eng Siidlung dës Säit vun der Uelzecht, evt. op der Rumm bestanen huet.

D’Leit déi an d’Stad era wollten hunn all op dëse Plazen ëmmer missen eng Taxe bezuelen.

Fir den Iwwerbléck also:- Eng éischt Paart louch ënnen am Dall, d.h. déi aktuell rue Münster huet dohi gefouert.

– Duerno gouf am Mëttelalter d’Tour Jacob als 2. Tréierer Paart gebaut- schlussendlech ëm 1590 déi jéngsten Tréierer Paart déi mir ënnert dem Jakobstur gesinn an déi 1867 ofgerappt an an den 1990er Joren aus Stol nees opgebaut gouf.

Am Hannergrond gesäit een och déi bal 12 Meter héij Tierm, déi en Deel vun der Rumm-Befestegung sinn an déi am Mëttelalter um Enn vum 14, Joerhonnert, ongeféier tëscht 1380 an 1395 op Uerder vum béimesche Kinnek Wenzel II gebaut goufen.

Lénks nieft der Tuermspëtzt erkennt een déi lescht Kasär, déi op der Rumm gebaut gouf. Ënner preisescher Besatzung gouf de Bau vun neie Kasäre virugedriwwen. An de Joren 1863-1866 gouf um Plateau eng 5. Kasär, direkt hanner der mëttelalterlecher Mauer gebaut, déi sou genannte „Preisesch Kasär“, e massive bommeséchere Bau, no den deemools neisten Technike vum Festungsbau gebaut: den Daach konnt am Krichsfall bannent kierzter Zäit ofgedroe ginn an duerch eng déck Couche Buedem ersat ginn, déi d’Gebai viru Bombardement schütze sollt. D’Rumm war zu deem Zäitpunkt d’Heemecht fir Artillerietruppen, déi natierlech och mat der Stadbevëlkerung Kontakt haten, deen net ëmmer onproblematesch war – vun dohier kënnt och d’lëtzebuergescht Lidd « Et wor emol e Kanonéier ».

Fotograf: Amateur.

Datum: Onbekannt.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

15 janvier 2020

Multivue vun de schéinsten Attraktiounen an der UNESCO-Zone an der Stad Lëtzebuerg.

Fotograf: Onbekannt; Editeur: MPK.

Datum: 1964

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

16 janvier 2020

Interessant Postkaart, mat enger impressionnanter Vue vum Chantier vun der neier Bréck.

Liked, deelt a kommentéiert, wann iech dës Postkaart gefält.

D’Adolphe-Bréck, am Géigesaz zu hirer méi aler Schwëster (der Aler Bréck oder der Passerelle) och nach Nei Bréck genannt, verbënnt, wéi jiddweree weess, de Garer Quartier mat der Alstad.

Duerch d’Schleefung vun der Festung am Joer 1867 konnt d’Stad Lëtzebuerg sech an nei Richtungen entwéckelen, an sou ass zum Beispill an den 1870er Joren ronderëm d’Alstad e Stroosserank op deenen ale Festungswierker entstanen, dee mir haut als Boulevard Royal kennen. De Lëtzebuerger Kënschtler an Ingenieur Eugène Ferron huet schonn an den 1880er Jore proposéiert, de Boulevard Royal mat enger Bréck mat engem eenzege grousse Bou Richtung Gare ze verlängeren. Den Albert Rodange (Jong vum Michel Rodange) huet dunn déi éischt Pläng ausgeschafft, déi definitiv Versioun gouf awer vum franséischen Architekt Paul Séjourné erstallt. D’Aarbechten goufen vun der Firma Fougerolle Frères ausgefouert.

1900 ass den Grondsteen vum deemolege Groussherzog Adolphe vu Nassau geluecht ginn.

D’Bréck ass ganz aus Sandsteen gebaut, wat am Laf vun der Zäit duerch d’Verwitterung vum Steen nawell zolidd Problemer bedeit huet. D’Steng koumen aus de Steebréch vu Gilsdref, Iernzen, Déiljen an dem Verluerekascht.

Den 24. Juli 1903 ass d’Bréck fir de Verkéier opgaangen an war dee Moment mat 153m Längt an 42m Héicht Rekordhalter als gréisst Bréck aus Hastee vun der Welt. Den Haaptbou huet eng Spanwäit vu 84,65m

De Bau vun der Bréck ass eis haut nach extrem gutt dokumentéiert duerch d’Fotoopnamen vum Lëtzebuerger Fotograf Charles Bernhoeft a wéi hei vum Batty Fischer.

Ab 1904 ass d’Schmuelspuerlinn Chareli iwwert d’Bréck gefuer.

D’Bréck huet méi wéi eng Kéier misse sanéiert ginn. 1960/61 gouf eng nei Plaque aus Beton armé gegoss, fir méi Fuerspuren ze hunn.

Déi Aarbechten hunn dozou gefouert, dass an den 1990er Joren déi éischt Rëss an der Struktur vun der Bréck opgefall sinn, wouduerch am Joer 2003 déi éischt metalle Verstäerkungen agebaut hu misse ginn. Dat eleng ass awer net duergaangen.

Säit 2011 gouf un der Bréck, déi schlussendlech huet misse ganz fir de Verkéier gespaart ginn, an 2014 duerch eng Behëllefsbréck ersat ginn ass, bis 2017 geschafft. Deemnächst kann och deen neien Tram Luxexpo-Gare iwwert d’Bréck fueren.

Nach e puer Kuriositéiten: D’Bréck huet nach e puer Zwillingsschwësteren:

D’Walnut Lane Bridge zu Philadelphia an Amerika, d’Eisebunnsbréck Ponte de San Jorge zu Arguisuelas a Castillien, de Viaduc vu Lavaur a Frankräich an d’Sidi Rached Bréck an Algerien, déi alleguer op de Pläng vum Séjourné berouen.

Fotograf & Editeur: Charles Bernhoeft.

Datum: 1902.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

17 janvier 2020

Amateurfoto, gemaach op der Corniche mat Bléck iwwer de Gronn, mat der Kierch St. Jean, der aler Abteikierch vun der Abtei Neimënster, Richtung Clausen mat sengem Viaduc gekuckt.

Fotograf: Amateur.

Datum: OnbekanntCollection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

18 janvier 2020

Vue op d’3 Tierm (Pafendaller Puert) an den ale Palais de Justice.

Dem ale Palais de Justice seng Geschicht geet zeréck an d’16. Joerhonnert, wéi kinnekleche Conseiller a Geschäftsmann Nicolas Greisch sech hei am Joer 1543 e Stadhaus, op franséisch en « Hôtel » op enger klenger Terrasse iwwer dem Dall baue gelooss huet.

1554 ass dat Gebai duerch dat grousst Feier zerstéiert ginn, wat duerch e Blëtzschlaag an d’Knuedlerkierch, wou d’Schwaarzpolver um Späicher stockéiert war, ausgeléist gouf. Duerch d’Feier gouf och d’Schlass um Bockfiels zerstéiert, wou bis dohinn d’Gouverneuren vun der Festung gewunnt hunn.

1564/65 léisst den Prënz Pierre-Ernst de Mansfeld, Gouverneur vun der Stad Lëtzebuerg, d’Gebai fir de spuenesche Kinnek Philipp II. kafen an installéiert do den « Hôtel du Gouverneur ». An der selwechter Zäit fänkt hien och mam Bau vu sengem Schlass a Clausen un.

1599 hunn d’ierfgroussherzoglecher Koppel vun Éisträich, den Albert (Neveu vum Philipp II) a seng Fra Isabelle am Palais logéiert.

Vun 1606-1609 gëtt de Palais op Uerder vum neie Gouverneur Berlaymont vergréissert.

Während dem Ugrëff vun de Fransousen am Joer 1684 gëtt d’Gebai zolidd beschiedegt. Aus dësem Joer staamt allerdéngs och e Bild vum Van der Meulen, esou dass mir haut nach wëssen, wéi d’Gebai deemools ausgesinn huet.

No der franséischer Belagerung gëtt d’Festung Lëtzebuerg mat engem groussen finanziellen Opwand nees gefléckt, esou dass de Louis XIV, de Sonnekinneck 1685 perséinlech de Chantier vun de Renovatiounsaarbechten besicht an mat sengem Haff, e.a. der Madame de Maintenon an dem Historiograph an Auteur Jean Racine am Palais logéiert.

Bis 1795 hunn d’Gouverneuren vun der Stad am Hôtel gewunnt, an duerch d’Flucht vum leschte Gouverneur Bender an d’Enn vum Ancien Régime krut d’Gebai eng nei Roll, nämlech den Hebergement vun de Justizinstitutiounen, e.a. d’Geriicht.

Dofir ass et och keen Zoufall dass an den 3 Tierm, esou no beim Geriichtspalais, de Stater Prisong entstanen huet an d’Guillotine hei stockéiert gouf. E weidere Prisong gouf et um Fëschmaart an engem Tuerm, deen haut awer leider verschwonnen ass.

D’Säitefliggelen vum Gebai goufen awer och nach fir aner Staatsinstitutiounen genotzt, z.b. Chambre des Comptes, de Staatsrot, d’Administration des Bâtiments publics um Ufank vum 19. Jorhonnert, d’Gendarmerie (1843-1881) oder den Erzéihungsministère (1881-1930).

D’Façade vum Gebai wéi mir et haut kennen, ass 1887/88 vum Staatsarchitekt Charles Arendt renovéiert ginn, nodeems dass et am Juni 1886 vun engem Feier staark beschiedegt gouf.

An den 1980er Joren ass d’Gebai och zweemol beschiedegt ginn, eemol duerch e Feier an eemol duerch d’Explosioun enger Bomm, Deel vun der Affär Bommeleeër.

Säit 1930 gouf d’Gebai exklusiv vun der Justiz benotzt an dat bis 2008 wéi d’Cité judiciaire um Helleg-Geescht Plateau opgaangen ass. Säit 2017 ass hei de Sëtz vum Ausseministère, dee vum ale Refuge St. Maximin heihi geplënnert ass,

Wéi ee gesäit, huet d’Gebai eng etlech Transformatiounen matgemaach. Während deene leschte Renovatiounsaarbechten konnt awer rausfonnt ginn, dass am Kär vum Gebai ëmmer nach d’Iwwerreschter vum 1. Gebai verbaut sinn, d.h. déi aus der Zäit vum Greisch, mä och aus der Zäit vum Mansfeld an den Attacken vun de Fransousen sinn Iwwerreschter erhale bliwwen.

D’Dräi Tierm, d’Pafendaller Puert, sti virdrun. Hir Fundamenter sti wahrscheinlech op deem ale Réimerwee, dee vum Fëschmaart erof an de Pafendall gaangen ass.

Dräi Tierm setzen sech aus 2 ronnen Tierm an engem véiereckegen Tuerm zesummen. De véiereckegen ass deen eelste vun deenen 3 an gouf géint 1050 als Deel vun der zweeter Stadmauer gebaut. Déi ronn Tierm sinn aus dem 13. Joerhonnert.

D’Dräi Tierm hunn déi wichteg Puert vun der Uewerstad an d’Ënnerstad markéiert a leien op deem ganz ale réimesche Kiem, deen iwwerhaapt dozou gefouert huet, dass de Kär vun der Stad zu engem Verkéiersknuet ginn ass. Vum Fëschmaart erof sinn d’Händler fréier erof an de Pafendall gefuer, fir do, wahrscheinlech duerch eng Fuert op déi aner Säit vun der Uelzecht ze kommen, an da weider Richtung Tréier ze fueren.

Wësst dir eigentlech firwat Giischtercher aus dem Schraasseger Prisong op hirer Uniform d’Wopen mat den 3 Tierm droen?

Majo well d’Dräi Tierm bis ca. 1810 als Prisong funktionéiert hunn. Anscheinend gouf och d’Guillotine vun der Stad Lëtzebuerg, déi haut am Musée Dräi Eechelen ausgestallt ass, do stockéiert.

No der Schleefen vun der Festung huet de Kapitän Weydert vun der Lëtzebuerger Fräiwëllegekompanie an den Tierm gewunnt.

Fotograf & Editeur: Charles Bernhoeft.

Datum: 1901.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

19 janvier 2020

Animéiert Vue wanterlech Vue vun der fréierer Maria Theresien-Avenue, haut Boulevard Franklin Delano Roosevelt, benannt nom 32. amerikanesche President (1882-1945). Nom Bau vun der Pont Adolphe huet d’Strooss Boulevard du Viaduc, resp. Brückenring während der Besatzung am 2. Weltkrich geheescht. De Boulevard féiert vun der aler Bréck bis op d’Bréisseler Plaz a krut säin Numm duerch de Gemengerotsbeschloss vum 23. Abrëll 1945, e puer Deeg nom Doud vum F.D.R. Am Hannergrond erkennt een och den Grand Hôtel Cravat Luxembourg laang viru sengem Ëm- respektiv Ausbau.

Fotograf & Editeur: Charles Bernhoeft.

Datum: 1909.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

20 janvier 2020

E Bléck, deen engem ëmmer nees den Otem hëllt: d’Vue op déi spektakulär Fielsformatiounen vum Bockfiels.

Fotograf & Editeur: Charles Bernhoeft.

Datum: 1902

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

21 janvier 2020

Flott Vue op de Clausener Bierg an den Huelen Zant um Bock.

Den Huelen Zant ass (net wéi oft behaapt gëtt) keen Iwwerrescht vum Siegfried senger Buerg Lucilinburhuc, mä vum lénksen Tuerm vun der zweeter Paart vun der neizäitlecher Festung. E gudden Deel vun deene Maueren stamen aus der Zäit den Ëmbauten vun der Festung duerch de Vauban. Dat haitegt Ausgesinn krut déi Ruin 1874, wéi d’Zitadell um Bock ofgerappt gouf. Oft gëtt behaapt, de Staatsarchitekt Charles Arendt, wär fir den Ëmbau am romantesche Stil responsabel gewiescht, wat awer net ganz richteg ass, vu dass hien déi Ëmbauten esou guer kritiséiert huet.

Fotograf & Editeur: Charles Bernhoeft.

Datum: 1897.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

22 janvier 2020

Vue vum Neiduerf a Clausen mat der Uewerstad am Hannergrond. D’Neiduerf selwer läit net méi an der « Zone Tampon » vum UNESCO-Weltkulturierwen, en Deel vum Motiv vun der Postkaart allerdéngs schonn.

Am Verglach mat den Uertschafte ronderëm d’Staat ass d’Neiduerf, wéi den Numm et undeit, e relativ jonkt Duerf.

D’Siidlungsgeschicht vum Neiduerf fänkt u sech un mam Bau vum Grof Mansfeld sengem Schlass ab dem Joer 1563. Am Beräich vum Neiduerf, an dem laanggezunnenen Dällchen, war säi prachtvolle Déierepark, mat wëllen Déieren, Planzen an allerlee Skulpturen. De ganzen Déieregaart war mat enger riseger Mauer ëmginn, déi ongeféier vum Clausener Viaduc, op d’Dräi Eechelen, op de Weimeschhaff, eriwwer an den Huesegrënnchen, laanscht déi fréier Brauerei Henri Funck, erop op den Centser Plateau, laanscht den Tavioun, de Kéibierg, de Fetschenhaff, an nees erof a Clausen gefouert huet. De Mansfeld hat awer no sengem Retour op Lëtzebuerg, 1599 am Alter vun 82 Joer, nach knapp 5 Joer Zäit fir säi Liewen ze genéissen. Hien ass 1604 gestuerwen.

Fir d’Entwécklung vum Neiduerf war also virun allem dem Mansfeld säin Déieregaart vu Bedeitung. Och haut fanne mir dovu Spueren an de Flouernimm vum Neiduerf: Déieregaart, Hierzekrëpp (wou d’Hirsche gefiddert goufen), Huesegrënnchen etc.

D’Arel vum Mansfeld sengem Schlass hat 5 Puerten, am Neiduerf, bei der fréierer Brauerei Henri Funck war d’Péiteschpuert, benannt nom Mansfeld. Bei der Puert gouf et eng Déngschtwunneng fir de Gardien a fir d’Fierschtere vum Déieregaart. Dës Gebaier sinn och nom Zerfall vum Schlass erhale bliwwen a lues a lues koumen nei Gebaier an dem spéidere Quartier Neiduerf derbäi.

Den Numm « Nieduerf » taucht awer eréischt um Enn vum 18. Joerhonnert an de Parbicher an an den Dokumenter vun der Gemeng Eech, zu där de « Laangegronn » gehéiert huet. Dëst ass op en historescht Evenement zeréckzeféieren. Wéi 1794 déi franséisch Revolutiounstruppen der Festung ëmmer méi no koumen, huet de Festungskommandant Bender d’Haiser ausserhalb vun de Festungsmaueren ofrappe gelooss, well si am Feierberäich vun der Festung louchen. Doduerch sinn och d’Haiser bei der Péiteschpuert an och d’Puert selwer verschwonnen an d’Leit déi enteegent goufen, sinn e.a. Huesegrënnchen, am Dällchen uewerhalb vu Clausen a bannent de Festungsmaueren ugesidelt. D’Leit hunn den Dall deemols dofir einfach Neidierfchen genannt, aus deem haut d’Neiduerf ginn ass.

D’Neidierfchen war laang Zäit aarm a bekannt duerch seng kleng Haiser mat stréigedeckten Dächer, déi 1845 duerch e grousst Feier bal all zerstéiert goufen. Duerno gouf dëst Material wéinst der Feiergefor verbueden, obwuel se nach laang net iwwerall verschwonne waren. E wichtege Wirtschaftsfaktor, deen zum Opschwong am Neiduerf gefouert huet, war natierlech d’Brauerei Henri Funck, déi vun 1864-1983 do produzéiert huet, nodeems si vun de Brasseries Réunies de Luxembourg, Mousel et Clausen opkaaft gi waren. Dëst ass awer en anert grousst Kapitel an der Geschicht vum Neiduerf.

Fotograf & Editeur: Jos. Fischer-Ferron.

Datum: Onbekannt.Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

23 janvier 2020

Eng Postkaart mat Motiver aus Clausen: ganz lénks, dem Robert Schuman säi Gebuertshaus (1872-1873 vum Affekot Jean-Nicolas Feyder gebaut), riets niewendrun d’Tour Malakoff, béid an der Rue Jules-Wilhelm, an an der Mëtt d’Kierch vun der Hl. Kunigunde.

Zum Malakoff-Tuerm:

D’Tour Malakoff, déi an der haiteger Rue Jules-Wilhelm steet, ass een vun den am beschten erhale Festungsreschter, dat wahrscheinlech och, well en als ee vun de leschte Bauwierker iwwerhaapt vun der Festung Lëtzebuerg gebaut gouf. 1860-1861 gouf den Tuerm gebaut an e krut den Numm vun engem Tuerm vum Fort Malakow vun der Festung vun der Stad Sewastopol, dat am Krimkrich am Joer 1855 bekannt gi war. Duerch déi europawäit Krichsreportagen deemools ass de Begrëff « Malakoff » och an eise Géigende bekannt ginn. Och am Mëllerdall gëtt et eng Fielsformatioun mam selwechte Numm.

Wéi een op Postkaarte liese kann, gouf en och als « Jüddeschen Tuerm » bezeechent, dat well de jüddesche Kierfecht net wäit ewech läit. Deen eelste vun de Juddekierfechten an der Stad ass de Kierfecht Malakoff. E gouf 1817 vun der jiddescher Communautéit aus der Stad kaaft. Eng ronn honnert Griewer sinn op dësem Kierfecht. Si goufen an der Zäit tëscht 1820 bis ongeféier 1883/1884 ugeluecht.

D’Tour Malakoff sollt de schmuelen Dällchen vum Weimeschhaff erof a Clausen sécheren a beschützen a war Deel vun der Ofschlossmauer déi de Fort Thüngen (3 Eechelen) mam Fort « Parkhöhe ».

D’Maueren goufen 1875 am Kader vum Schleefe vun der Festung ofgerappt, den Tuerm hunn se awer glécklecherweis stoe gelooss. Och déi kleng Paart duerch déi de Wee op de Weimeschhaff gefouert huet, ass stoe gelooss ginn.

Nom Ofbroch vun der Festung gouf den Tuerm laang Zäit als Wunneng genotzt, haut sinn de Rez-de-chaussée an de Keller un d’FNEL, den ieweschte Stack un d’LGS verlount.

Zur Kierch: Lëtzebuerg-Clausen gouf eréischt 1865 zu enger selbstänneger Par wéi Clausen vun der Par Lëtzebuerg-St. Michel ofgetrennt gouf. Am selwechte Joer gouf och d’Kierch gebaut a vum Bëschof Nicolas Adames konsekréiert. 1958 gouf d’Kierch komplett restauréiert, awer schonn 1964 war se duerch e Feier nees staark beschiedegt ginn. Fir d’Honnertjoerfeier den 10. Oktober 1965 war se awer nees an d’Rei gesat.

Fotograf & Editeur: Charles Bernhoeft.

Datum: 1906

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

24 janvier 2020

Vue aus der Péitruss op déi nach ganz jonk Nei Bréck mat den héije Maueren vun der fréierer Bastioun Beck.D’Adolphe-Bréck, am Géigesaz zu hirer méi aler Schwëster (der Aler Bréck oder der Passerelle) och nach Nei Bréck genannt, verbënnt, wéi jiddweree weess, de Garer Quartier mat der Alstad.

Duerch d’Schleefe vun der Festung am Joer 1867 konnt d’Stad Lëtzebuerg sech an nei Richtungen entwéckelen, an sou ass zum Beispill an den 1870er Joren ronderëm d’Alstad e Stroosserank op deenen ale Festungswierker entstanen, dee mir haut als Boulevard Royal kennen. De Lëtzebuerger Kënschtler an Ingenieur Eugène Ferron huet schonn an den 1880er Jore proposéiert, de Boulevard Royal mat enger Bréck mat engem eenzege grousse Bou Richtung Gare ze verlängeren. Den Albert Rodange (Jong vum Michel Rodange) huet dunn déi éischt Pläng ausgeschafft, déi definitiv Versioun gouf awer vum franséischen Architekt Paul Séjourné erstallt. D’Aarbechten goufen vun der Firma Fougerolle Frères ausgefouert.

1900 ass den Grondsteen vum deemolege Groussherzog Adolphe vu Nassau geluecht ginn.

D’Bréck ass ganz aus Sandsteen gebaut, wat am Laf vun der Zäit duerch d’Verwitterung vum Steen nawell zolidd Problemer bedeit huet. D’Steng koumen aus de Steebréch vu Gilsdref, Iernzen, Déiljen an dem Verluerekascht.

Den 24. Juli 1903 ass d’Bréck fir de Verkéier opgaangen an war dee Moment mat 153m Längt an 42m Héicht Rekordhalter als gréisst Bréck aus Hastee vun der Welt. Den Haaptbou huet eng Spanwäit vu 84,65m

De Bau vun der Bréck ass eis haut nach extrem gutt dokumentéiert duerch d’Fotoopnamen vun de Lëtzebuerger Fotografen Charles Bernhoeft a vum Batty Fischer.

Ab 1904 ass d’Schmuelspuerlinn Chareli iwwert d’Bréck gefuer.

D’Bréck huet méi wéi eng Kéier misse sanéiert ginn. 1960/61 gouf eng nei Plack aus Beton armé gegoss, fir méi Fuerspuren ze hunn.

Déi Aarbechten hunn dozou gefouert, dass an den 1990er Joren déi éischt Rëss an der Struktur vun der Bréck opgefall sinn, wouduerch am Joer 2003 déi éischt metalle Verstäerkungen agebaut hu misse ginn. Dat eleng ass awer net duergaangen.

Säit 2011 gouf un der Bréck, déi schlussendlech huet misse ganz fir de Verkéier gespaart ginn, an 2014 duerch eng Behëllefsbréck ersat ginn ass, bis 2017 geschafft. Deemnächst kann och deen neien Tram Luxexpo-Gare iwwert d’Bréck fueren.

Nach e puer Kuriositéiten: D’Bréck huet nach e puer Zwillingsschwësteren:

D’Walnut Lane Bridge zu Philadelphia an Amerika, d’Eisebunnsbréck Ponte de San Jorge zu Arguisuelas a Castillien, de Viaduc vu Lavaur a Frankräich an d’Sidi Rached Bréck an Algerien, déi alleguer op de Pläng vum Séjourné berouen.

Fotograf & Editeur: Charles Bernhoeft.

Datum: 1907

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

25 janvier 2020

D’Fräiwëllegekompanie marschéiert duerch d’Avenue de la Porte Neuve Richtung Glacis.

Et handelt sech bei der Foto ëm d’Fräiwëllegekompanie (Corps des Gendarmes et Volontaires) déi vun 1881-1944 bestanen huet.

D’Zesummesetzung war folgend:Kompanie vun 125 GendaarmenKompanie vun 140 bis 170 Ënneroffizéier an Zaldoten1 Majouer-Kommandant2 Kapitänen, déi d’Kompanie kommandéiert hunn4 bis 6 LeitnantenD’Militärmusek mat 39 Museker an engem Chef-Dirigent

Fotograf: Onbekannt; Editeur: Maison de gros P. Houstraas, Luxembourg

Datum: Onbekannt.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

26 janvier 2020

Eng Postkaart mat enger Opnam, déi ënnerhalb vun den 3 Eechelen, dem Fort Thüngen, enstanen ass, mam Bléck iwwer Clausen, Clausenerbierg, Richtung Bock an Uewerstad.

Fotograf & Editeur: Charles Bernhoeft.

Datum: 1898, d’Opnam ass awer méi al.

Collection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.

27 janvier 2020

Flott Stereoscopie vun der Plaetisgaass an dem Haus Van-der-Vekene am Gronn. Interessant ass och d’Bréck vun enger Säit op déi aner.

Schonn am Joer 1281 gëtt en Pletisborne (e Bur?) zitéiert, an e puer Joer spéider, 1297 ass vun der Plettinsgassa Rieds. Et gëtt ugeholl, datt den Numm vum laténgeschen in plateis hierkënnt, woubäi platea eng Paweesstrooss bezeechent. Bis am 17. Joerhonnert war d’Plaetisgaass eng wichteg Verbindung tëscht der Schmëdd ënner dem Bockfiels an dem Almënsterplateau. Duerch de Bau vun der 3. Rankmauer gouf et eng Sakgaass.

Am Mëttelalter a bis an 17. Joerhonnert era war d’Plaetisgaass bekannt fir seng Buedstuffen. D’Waasser vum Plättisbur war deemools wéinst senger gudder Qualitéit an der ganzer Stad geschat. 1374 gëtt an engem Akt e Bued- a Schweesshaus ernimmt, d' »Johann Plettismeister Hus ».

Wéinst Angscht virun Epidemië sinn am 17. Joerhonnert déi Buedhaiser lues a lues verschwonnen an hunn de Gierwereie Plaz gemaach, déi bis an d’19. Joerhonnert d’Bild vun der Gaass bestëmmt hunn, wat zu hirem schlechte Ruff bäigedroen huet. Deemools housch d’Gaass rue des Tanneurs.

De Plettisbur huet als ëffentleche Wäschbur bis am Joer 1910 existéiert an ass dunn an den Neibau vun der Händschefabrik verbaut ginn.

Eng aner al Bezeechnung vun der Plaetisgaass soll bis am 15. Joerhonnert Altmünstergass gewiescht sinn. Spéider housch se wéi gesot rue des Tanneurs. An der Besatzungszäit am Zweete Weltkrich gouf se Plaetisgasse genannt. Haut fënnt een an der Strooss nieft Privatwunnengen an Appartementer och en Deel vun der Administratioun vum Musée national d’histoire naturelle Luxembourg – natur musée, d’Bureauen vun engem groussen Internetversandhändler an divers aner Firmen.

D’van-der-Vekene-Haus am Gronn ass e Gebai am Wénkel vun der Sosthène-Weis-Strooss an der Plaetisgaass am Quartier Gronn an der Stad Lëtzebuerg. Dat haitegt Gebai op Nr. 2 vun der Sosthène-Weis-Strooss (Neie Wee) huet fréier aus zwee Haiser bestanen (Nr. 2 a 4), déi ëm 1862 zesummegeschloe goufen.

D’Haus steet, zesumme mat deem op Nummer 7, an den Nummere 15 a 17 an der Plaetisgaass, zanter dem 28. Juli 1989 als nationaalt Monument op der Lëscht vun de klasséierte Monumenter.

D’Gebai huet den Numm vun enger aler flämescher Famill vu Mechelen. Den Alexandre Constantin van der Vekene de Berent huet sech no sengem Bestietnes mat der Suzanne Reinard am Joer 1756 an deem Haus am Gronn néiergelooss. Den Alexandre war en Nokomme vum Jean van der Vekene, deen den 11. Oktober 1656 duerch Patentbréiwer vum Philippe IV. geadelegt gouf. Deem säi Fils Marc huet d’Enkelin vum flämesche Moler Peter Paul Rubens bestuet.

Der Suzanne Reinard hire Papp, den Händler Jean Adam Reinhard, hat d’Haus ëm 1700 opriichte gelooss. D’Famill van der Vekene huet bis ongeféier 1939 am Haus gewunnt a war bis 1965 Besëtzer bliwwen, wéi se de 14. Juli d’Haus dem Staat verkaaft huet.

D’Haus ass tëscht 1966 an 1968 ënner dem Bauteminister Albert Bousser renovéiert ginn a gouf am Juni 1969 der Union grand-duc-Adolphe als Sëtz zur Verfügung gestallt. Bei de Renovéierungsaarbechte gouf d’Skulptur vum hellegen Änder aus senger Niche iwwer der Haaptentrée ofmontéiert. D’Konschtwierk aus Nëssert aus dem 18. Joerhonnert gëtt zanterhier am Nationalmusée fir Geschicht a Konscht um Fëschmaart versuergt.

2007 ass d’UGDA op Stroossen geplënnert an zanterhier ass d’Haus de Sëtz vum INECC Lëtzebuerg a vum Commissaire à l’enseignement musical vum Kulturministère.

Déi verschidde Besëtzer vum Haus waren 1787 de Jean Mathieu Bogaerts an d’Charlotte Henriette Walburge van der Vekene; 1831 den Hermann Joseph Kessler an d’Joséphine Jeanne Bogaerts; 1862 de François Mathieu Léon van der Vekene, 1935 de François Marie Léon van der Vekene an d’Marie Lucie Kolbach.

(Texter vu Wikipedia)

Fotograf: Amateur.

Datum: OnbekanntCollection privée: Eng Postkaart den Dag.

Malgré les recherches menées de manière consciencieuse, il n’a pas été possible de déterminer pour tous les documents publiés sur cette page, les ayants droits ou successeurs légaux. Ceux-ci sont priés de prendre contact avec “Eng Postkaart den Dag”.